BYA TONNY EVANS NGABO
|KAGOMA | KYAGGWE TV |
Abantu abawerako basimattuse okufa, ekimotoka ky’amagye bwe kyalemeredde omugoba waakyo ne kiyingirira ekizimbe okuli bbizinensi ez’enjawulo.
Akabenje kano kaaguddewo ku Lwokubiri mu kabuga k’e Kagoma ku luguudo olugenda e Bombo mu disitulikiti y’e Wakiso, okuliraana essundiro ly’amafuta erya Be Energy Petrol Station.
Emmotoka y’eggye lya UPDF nnamba H4DF 2945 ye yakoze akabenje bwe yabadde eva e Kampala ng’eyolekedde Bombo.
Okusinziira ku nnanyini kizimbe kino, Paddy Kakumba, annyonnyodde nti Katonda abantu abakolera ku kizimbe kino yababisseeko bubissi kasubi ne basobola okusimattuka.
Kakumba asabye eggye lya UPDF okukola enteekateeka okumuliyirira olw’ekizimbs kye ekyonooneddwa eby’ensusso mu kabenje kano ssaako bannanyini bbizinensi ezibaddeko nazo eziyonooneddwa ennyo.
Related
Let others know by sharing
https://kyaggwetv.com/ekimotoka-kyamagye-kiyingiridde-ekizimbe-abawerako-ne-basimattuka-okufa/?utm_source=rss&utm_medium=rss&utm_campaign=ekimotoka-kyamagye-kiyingiridde-ekizimbe-abawerako-ne-basimattuka-okufa
