Obulabirizi bw’e Mukono Buguddemu ekikangabwa oluvannyuma lw’omu ku mukozi mu bbanka y’obulabirizi eya Mukono Diocese SACCO (MUDISACCO) okuva ekikutuko.
Florence Nafula abadde omubazi w’ebitabo owa MUDISACCO afiiridde mu ddwaliro lya Mukono Church of Uganda Hospital ng’eno abasawo bategeezezza nti omutima gwesibye ne kimuviirako okufa nga kino kimanyiddwa nga Cardiac arrest.
Okusinziira kw’akola ku nsonga z’amawulire ow’obulabirizi bw’e Mukono, Moses Ssewankambo, enteekateeka zikoleddwa omubiri gwa Nafula ne guggyibwa mu ddwaliro e Mukono ne gutwalibwa mu maka g’omugenzi Yozefu Ssempa ku kyalo Namagu mu Busumba bw’e Namaliiri mu Busabadinkoni bw’e Kasawo awakumiddwa olumbe.
Ssewankambo agambye nti entekateeka z’okuziika bwe zinaaba ziwedde okukolebwako abavunaanyizibwa zaakuba nga zitutegeezebwa okuyita mu be kikwatako.
Ku kyalo omubiri gwa Nafula bwe gubadde gutuusibwa, gibadde miranga, biwoobe na kwaziirina nga bebuuza omuntu gwe batawuliddeeko nti alwadde okubatwalira omulambo nga n’ekimusse tebannakitegeera.
Omubiri Gw’omugenzi Omukama Katonda Aguwe Ekiwummulo Eky’emirembe.
Related
Let others know by sharing
https://kyaggwetv.com/kitalo-omukozi-mu-bbanka-yobulabirizi-bwe-mukono-afudde-kikutuko/?utm_source=rss&utm_medium=rss&utm_campaign=kitalo-omukozi-mu-bbanka-yobulabirizi-bwe-mukono-afudde-kikutuko
