Ssentebe Asibisizza Abatuuze Basatu Lwa Kumuwaayiriza Kutta Mwana

Ssentebe w’omuluka gwa Bukasa-Muyenga mu kibuga Kampala tanywa guteeka, ono avudde mu mbeera n’asibisa abatuuze basatu ku kyalo kye ng’abalanga kumusibako kalebule.

Hajji Yasin Omar y’asibisizza abatuuze be bastu mu kkomera nga gw’abavunaana gwa kumwonoonera linnya nga batambuza ebigambo by’agamba nti tebiriiko mutwe na magulu.

Omar agamba nti bano bamukonjera nga bw’alina akakwate ku mwana eyattibwa mu kitundu kino ye ky’agamba nti kikyamu, era alayira okufiira mu kitooke ky’agonja nga n’obukuba butonnyerera nti talina ky’amanyi ku bikwata ku kufa kw’omwana bano gwe bamusibako.

Ng’asinziira mu kkooti ya Buganda Road, Omar asabye Pulezidenti Museveni awere emikutu emigatta bantu ng’agamba nti gisusse okusaasaanya obulimba.

Related